يا نسـيم لما بتمرق صوبها
وبتغط عالشباك ع ورداتها
تـرقوص لزهيّة وحنّن قلـبها
وإكتب إسم روكز على لفتاتها
حنّة : سمعتك
روكز : مين؟
حنّة : اتطلع
روكز : حنّة؟
حنّة : كمشتك
روكز : بشو؟
حنّة : عم بتغني
روكز : با حنّة جيتي من وين؟
حنّة : يا روكز من خلف العين قرّبت سمعت غنانيك
روكز : شو سمعت يا نور العين
حنّة : سمعتك عم تودي النسيم لعندهاوتحلّفه يرقص على شباكها واقع بزهيّة وما عاد بدها عصفور أحلامك علق بشراكها
روكز : دخلك يـــا حنّة لا تقوليلهاولا تشيّعي القصة بضيعتنا. بفزع زهيّة يكون واميلها شي شبّ غيري ويا فضيحتنا
حنّة : قرب يا روكز نقعد تحت اللوزات وتحكيلي القصة وتسرد كل الشكوات
روكز : بحكيلك شو بهواها الله المجير وبعرف انت واياها أصحاب كتير
حنّة : ومن أيمتي بتحبها؟
روكز : من أيمتي؟ من يوم ما قلبي وعي وعقلي درى
من زمان من زمان من يوم ما كان الشتي يجمع ولاد الحي تحت القنطرة
حنّة : أيامها كنا صغار نلعب سوا
روكز : وأيام كنا نروح نزرع بالربيع
حنّة : وأيمتي ع سنابلك هب الهوى؟
روكز : كلما بوصل ع هلنقطة بضيع
حنّة : ما دام بحبها قلبك خطبها وخبّرها حبّك
روكز : كيف بحكيلها عالخطبة لما بقشعها بتلبّك؟
حنّة : روح الليلة سهار
روكز : في سهّارة كثار
حنّة : روح وبيّن حالك عندها. غنيلها أشعار
روكز : يعني منبلش نلفي؟
حنّة : قللي شو بعدك ناطر؟
روكز : الليلة منرفع الكلفة منخلّلي القلب يخاطر
حنّة : بخاطرك هلق شرود وسوح
ورح تكوني انتِ بالسهرة؟
روكز : من هلق لعندها أنا رح روح
وقوليلها تخبيلنا نظرة
الفرقة : روكز بالفيّات. ع شفافه حكايات. شو عم تعمل يا روكز هوني تحت اللوزات؟
روكز : ناطر العصافير، ناطر الفرافير
الفرقة : عم بنوطر ويألف ويغني فراقيات
روكز : والله يا أخوان مبسوط وفرحان وفي عندي فكرة ممتازة ومَنّها كيف ما كان
الفرقة : يالله بقى، يالله بقى، قول القضية ولفقها، يالله بقى. إحكيلنا عن فكرتك الظاهر ملاقي زهرتك يمّا مدبّر سهرتك يمّا على بالك لقا، يالله بقى
روكز : محسوبكم قلبه إكتوى بنار المحبة والهوى. عشقانها وما في دوا إلا تكون هي عاشقة.
الفرقة : يالله بقى. حاكينا وفهّم قصدك يا عيوني ما دام القصة صارت مضمونة. مين هي الحلوة يلّلي هاويها تنشوف ان كانت متلك مفتونة.
روكز : فكري بهالليلة نعملها ســــهرة، عندا ونغنّي وشوفوا هالمهرة. بدي اقطفلها من قلبي زهرة، وهلق بالسهرة رح بتشوفوني
الفرقة : روكز يا روكز نحنا محاسيبك، لكن ع قصدك مش رح منجيبك. تتقول مين هي أحلا مطاليبك
روكز : ع بيت زهيّة الليلة لاقوني
الفرقة : يا روكز طاب الهوى وليل المنى حيّا. عشقان وهب الهوى من صوب زهيّة
روكز : لكن مش عارف أنا إن كان بتهواني. وخايف صفّي بلا جنى تعشق واحد تاني
الفرقة : الليلة سمّعها غنا وخليها سكرانة. تأكد بتنال الهنا وبظلها بتتفيا. يا روكز طاب الهوى وليل المنى حيّا
عشقان وهب الهوى من صوب زهيّة
روكز : الليلة بردّات المعنّى بقلِلها
الفرقة : اه
روكز : انه الهوى حابب يتيه بظلها
الفرقة : اه
روكز : وبقلِلها يا حلوتي طاب الغرام وعزهورنا الحلوة الجميلة بدِلِّها. وعزهورنا الحلوة الجميلة بدِلِّها
الفرقة : حكيك يا صاحب معقول. فكرك مزبوط ومعقول. الليلة رحّ نسهر عندا ونخلّلي الأحلام تطول، الليلة رحّ نسهر عندا ونخلّلي الأحلام تطول
روكز : وبكون في عندا جارات. حلوين وعندن نهفات منسهر ومنحكي حكايات، معنّى وقرّادة منقول
الفرقة : الليلة رحّ نسهر عندا ونخلّلي الأحلام تطول. تِريلي لي لي رَمّ، تِريلي لي لي رَمّ. هيهات ياابن العم
حنّة : بحِّبِك يا زهيّة
زهيّة : هو قلّلك يا حنّة؟
حنّة : قلّلي وعالسهرة مهيّى
زهيّة : وحبه صادق بالظنّي؟
حنّة : عيونه حنين وجوى لو تنظري فيها. وبقلبه حكاية هوى فزعان يحكيها
زهيّة : بقلبي يا حنّة أنا، أحلامي بخفيها. روكز إن كَنّه لِنا بيفهم معانيها
حنّة : لكن إنتي بلمحاتك ميلي صوبه وحياتك.
قلّلي ع باله تميلي صوبه بِتطليعاتك
زهيّة : بفزع إتطلّع صوبه وما يكون في شوق بقلبه. إن غنى مليح بالسهرة بكون مزبوط بحبه
حنّة : صار قريب يجوا الزوار؟
زهيّة : بيّي وإمي بيشتلقوا وبيقولوا شو هالأسرار
بيّ زهيّة: شو في ياإم زهيّة. الليلة السهرة رحّ بتصير
خلي بنتِك تتهيّى، قوليلها ما تحكي كتير
إم زهيّة: سمعتي بيّك شو بيقول، وإنتي كمان يا حنّة
بتضلّوا عابسين ع طول تتكونوا بلا إمي
الفرقة : سعيدة يأ اهل الدار
زهيّة : أهلا وسهلا بالزوار
الفرقة : جينا كتار بديرتكم
بيّ زهيّة: في عنا مطارح كتار
الفرقة : يا دار الواسع، يا أحلا دار، صرحك محبوب ووادع وبيأوي الجار
بيّ زهيّة: يا أهلا وسهلا فيكن منحييكن، مجلسنا بناديكن يا هالزوار
الفرقة : قعدنا، قعدنا بجلستكن وبسهرتكن. قعدنا قعدنا بجلستكن وبسهرتكن. شو حلوة ع ضيافتكن ننشد أشعار
إم زهيّة: اه يا شبان الضيعة انتوا درعها. اه يا شبان الضيعة انتوا درعها. الله يصون ويرعى ناس الشطار
بيّ زهيّة: ويا صبايا ضيعتنا ويا زينتنا، بترشوا ع سهرتنا أحلام كتار
الفرقة : نحنا بالضيعة ربينا بملاهينا. نحنا بالضيعة ربينا بملاهينا، وميتها بتغذينا بأطهر أسرار
حنّة : روكز في عنده موال، خايف وبقلبه مخبّيه
الفرقة : يا روكز سهرتنا عال، هات الموال وغنّيه
روكز : أوف أوف
بيّ زهيّة: شو القصّة صوته مبلوع
إم زهيّة: بيظهر مش ماشي الموضوع
روكز : أوف
حنّة : ما فيه يغني يا حنّة. إلتفتي فيه تا فيه يغني
زهيّة : يا روكز هات موالك غنّيه وقول أمالك. يا روكز هات موالك غنّيه وقول أمالك
الفرقة : زهيّة طلبت منك اوعا تخيّبها أحلالك. زهيّة طلبت منك اوعا تخيّبها أحلالك
روكز : أوف أوف. موجود زهرة نامية بظلّ الندى. وعد الجمال بكل طيب موردها. لو زارها الطير إلعلى حبّها ربي بيقدر على روضة حنينه ياخدها
حنّة : الزهرة وفيّة والهوا بثيرها. بتحب ترعى العهد لعصافيرها. أما قضية تاخذها ع روضتك، بتقدر يا عاشق تسأل نواطيرها
الفرقة : عرفنا
روكز : شو؟
الفرقة : ميلك
روكز : ميلي؟
الفرقة : كمّل
روكز : كيف؟
الفرقة : إخطبها الليلة
حنّة : إم زهيّة وبو زهيّة إنتي امها وهو بيها. روكز جايي يحكي رسمي وبفكره يخطب زهيّة
بيّ زهيّة : روكز شبّ مليح وعال وأخلاقه ممتازة كتير. لكن بهيك أحوال القضية بدها تفكير
الفرقة : بها، بهالسهرية
بيّ زهيّة: بدها تفكير شويي، ونسأل زهيّة رأيها
زهيّة : أنا بأمرك يا بيّي
بيّ زهيّة : وإم زهيّة شو بتقول؟
إم زهيّة : رأيك يا رجال معقول.
الفرقة : ما دام الكل إتفقوا، المشكِل يا عالم محلول.
ما دام الكل إتفقوا، المشكِل يا عالم محلول
روكز : هيك مشق الزعرورة
الفرقة : يا يما هيك
روكز : هيك بتغني العصفورة
الفرقة : يا يما هيك
روكز : قوموا نرقص عالدبكة ونعمل شبكة
حنّة : هيّا روكز دربكة والدق عليك
روكز : هيك مشق الزعرورة
الفرقة : يا يما هيك
روكز : هيك بتغني العصفورة
الفرقة : يا يما هيك، يا يما هيك